Die atmosfeer tydens die atletiekseisoen by Suidies is aansteeklik en opwindend! Gedurende die derde kwartaal word ons atletiekseisoen afgeskop, waar leerders die geleentheid kry om hul vaardighede te vertoon in ‘n verskeidenheid velditems.
Elke week word velditems soos hoogspring, verspring, gewigstoot, kortafstande, langafstande en aflos gehou, wat leerders die kans gee om hul individuele talent te wys.
Die hoogtepunt van die atletiekseisoen is ongetwyfeld ons spesiale byeenkomste, waar die hele skool saamkom om mekaar aan te moedig en te ondersteun.
In die hokkiespan by Suid-Natal Primêre Skool word meisies blootgestel aan ‘n verskeidenheid vaardighede terwyl hulle belangrike lesse in spangees en goeie sportmanskap leer.
Oefentye is afgestem op die verskillende ouderdomsgroepe binne die span. Die hokkieseisoen vind plaas gedurende die tweede kwartaal van die skooljaar.
As ‘n aanvulling bied die skool ook ‘n buitemuurse hokkieakedemie aan om die vaardighede van die meisies te verbeter en te verfyn.
Krieket by Suid-Natal Primêre Skool is ‘n gewilde sport wat twee spanne insluit: mini-krieket en senior krieket. Mini-krieket bied die geleentheid vir leerders van graad 1 tot graad 3 om die beginsels van die spel te leer.
Vanaf graad 4 tree leerders toe tot die senior krieketspan. Oefentye word op ‘n ouderdomsgroep-basis gereël om elke leerder die regte ontwikkelingsgeleenthede te bied.
Ons seuns blink uit op die krieketveld en vertoon ‘n ware passie vir die spel.
Landloop by Suid-Natal Primêre Skool is ‘n opwindende geleentheid vir leerders om hul uithouvermoë te toets en hul persoonlike doelwitte te bereik. Die landloop gala vind aan die einde van die tweede kwartaal plaas, en die leerders wat kwalifiseer, neem dan in die derde kwartaal deel.
Dit is nie net ‘n kompetisie nie, maar ook ‘n groot pretdag vir die leerders, waar hulle entoesiasties deelneem en hul vaardighede ten toon stel. Die geleentheid skep ‘n gesonde wedstrydgees en moedig leerders aan om hul beste te gee.
Netbal by Suid-Natal Primêre Skool bied ‘n unieke geleentheid vir dogters om deel te neem aan ‘n spangebaseerde sport wat nie net vaardighede ontwikkel nie, maar ook fiksheid bevorder.
Oefentye vir netbal is gestruktureer volgens die verskillende ouderdomsgroepe, wat die leerders die kans gee om op hul eie tempo te vorder en hul vaardighede te verbeter.
Netbal by Suid-Natal Primêre Skool is nie net ‘n sport nie, maar ‘n platform vir persoonlike groei en prestasie.
Rugby by Suid-Natal Primêre Skool het ‘n ryk en trotse geskiedenis. Dit is ‘n sport waarin ons met trots kan spog, veral met bekende oud-leerders soos die Springbok Marcel Coetzee wat sy rugbyloopbaan by ons begin het.
Ons rugbyseuns presteer uitstekend en wys ware passie vir die spel. Rugby word aangebied vir leerders vanaf graad 1 tot 7, waar elke leerder die geleentheid kry om sy vaardighede te ontwikkel en deel te neem aan die opwinding van die spel. As ‘n aanvulling bied die skool ook ‘n buitemuurse rugbyakedemie aan om die vaardighede van ons rugbyseuns verder te verfyn en te ontwikkel.
By Suidies bied ons sokker aan as ‘n sport vir beide seuns en meisies. Vir junior leerders word sokkeroefeninge gedurende skoolure aangebied, terwyl seniors na skool oefen.
Suidies neem ook deel aan sokkerwedstryde teen ander skole, wat die leerders die geleentheid gee om hulle vaardighede te toets en spangees te ontwikkel.
Sokker is groot pret vir die leerders en help om hulle fisieke fiksheid en samewerkingsvermoë te verbeter.
Suid-Natal Primêre Skool is uiters trots op sy swemmers en die buitengewone prestasies wat hulle behaal. Ons het ‘n span puik personeel wat die leerders met passie en toewyding afrig, beide gedurende skoolure en naskool.
Ons kan met reg spog met die vele prestasies van ons leerders op provinsiale vlak, wat getuig van hul harde werk en toewyding aan die sport.
Die suksesse van ons swemmers is ‘n bron van inspirasie vir die hele skoolgemeenskap.
© 2024 Kopiereg
Suid-Natal Primêre Skool
© 2024 Kopiereg
Suid-Natal Primêre Skool
Aangedryf deur Dotweb
